2018 жылдың 06 наурызында Қарашілік ауылының ауылдық кітапханасының кітапханашысы Бекишева Аида Қайыргелдіқызы 1-8 сынып оқушылары арасында «Қыз аруы — 2018» байқауын өткізді. Байқауда 5 шарты және 5 номинация болды. Байқаудың шарттары:

1. «Мен қазақтың қызымын» таныстыру
2. «Қыз еркем — кестесімен көркем» (Әр қыз өзінің қолынан келетін бір ісмерлік өнерін көрсетеді
3. «Қызды тәрбиелеген — ұлтты тәрбиелейді» (қыз бала тәрбиесіне байланысты даналық сөздердің мағынасын ашу)
4. «Өнер» (ән айту, би билеу, күй тарту)
5. «Сұлулық сыры» (шаш үлгісін көрсету)

Байқауды бастамас бұрын қыздар арасында жереби тартылды. Бірінші болып өнер көрсететіндер «Қуыршақтар» тобы, екінші «Көктем», үшінші өнер көрсететіндер «Балапан» тобы,  төртінші «Арулар» тобы, бесінші болып «Қыздар-ай» болып бөлінді. Әділ қазылар алқасы Мектеп директоры Кусаинова К.Ж., мектеп мейірбикесі Шайзадинова А.У., ата-ана арасынан Сүлейменова Н.А. сайланды.

Әділқазыларға жүзден жүйрікті анықтау қиынға түсті. Қыздар бір-біріне асып түсетін өнерлерін көрсетті. Әділқазылардың шешімі бойынша «Қуыршақтар» тобы «Ең білімді» номинациясына. Әр топ мадақтамалар мен сыйлықтарға ие болды.